The Sair Finger

[Lavenderblue2]

By Walter Wingate

You’ve hurt your finger? Puir wee man!
Your pinkie? Deary me!
Noo, juist you haud it that wey till
I get my specs and see!

My, so it is – and there’s the skelf!
Noo, dinna greet nae mair.
See there – my needle’s gotten’t out!
I’m sure that wasna sair?

And noo, to make it hale the morn,
Put on a wee bit saw,
And tie a bonnie hankie roun’t –
Noo, there na – rin awa!

Your finger sair ana’? Ye rogue,
Ye’re only lettin’ on!
Wee, weel, then – see noo, there ye are,
Row’d up the same as John!


Saw - salve, ointment

[Sporran]

I like that poem, Lavenderblue2. Thanks for sharing it with us! :) We always called a splinter a skelf when I was growing up.