St Valentine's Day
by Caithness Violinist
c.1951


Hids fifty years iss very day
Since Jock proposed tae me;
Ma hert I gave him straightaway
Wi' a' its love sae free.
Jock swore by every oath he kent,
He'd never let me doon,
But stick tae me as hard's cement,
An' we'd get merried soon.


But here I am a spinster still,
As Jock's been aff for years,
And still a gimmer on 'e hill
Nae wonder A'm in tears.
So lassies tak ye my advice
An' watch yersels wi' men.
Wi' them ye stan' on slippery ice
Believe me for I ken.
But may ye find a Valentine
That'll ne'er lead ye astray,
May love in purity entwine
Your hert an' his this day.