Food Facts
by Caithness Violinist c. 1941


'E meyt wir eytan nooadays
Comes mostly oot o' tins
I canna tell 'e reason for't.
Unless hids for wir sins


There's tins o' iss an' tins o' 'at
An' tins o' goodness knows
They'll cook yer jeckad or yer hat
An' call it 'Athole Brose'


An every fishies wi' a tail
'At sweems aboot 'e sea
Fae cuddins sma up til a whale
Ye can hev them for yer tea.


But gie me guid auld Kaitness fare
Floor bannags, oat or bere,
Wi' barley broth or tattie soup
An' ah'll complain nae mair.


Wi reested pork an' well boiled kail
An' tatties in their skins
Washed doon wi' sooans , tea or ale
An' ye can keep yer blasted tins.