trinkie
08-Oct-07, 19:24
Startin e School
by Jenny S. Stewart
Ah took a trippie back in time iss moarnin as ah trod
Droves o bairns new bound for school were makin up e rodd,
Feycies shinin, hair all combed, wi school bags brankin new,
Some excited, some fair chuffed as some were cownin too.
I'd rolled back nearly twinty years till time fan ah gied off,
Ah's five on Monday, school on Tuesday, feelt choost lek a toff,
Ah'd got a pleated skirt o grey, blue ganzey meyde by mam,
Ma chum (ca'd Jinnad) an masell set off in mithier's han'.
We kent a bit fit till expect, we'd sisters an we'd brithers,
At filled wur heyds wi fit went on, we'd no cause for dithers,
E playground swarmed wi bairns an mams, some cheeky, some plain shy,
We couldna wait till bag a desk, we'd choost no time till cry.
Ma mam said ''Weel bairns, cheerio, ah'll see ye for yur dennur''
While some mams hung aroond e windows, cowned in feel-lek mennur,
An some bairns bawled an widna hault, we sat an rolled wur eyes,
Thur's no chiel warned us 'boot e rackid, at came as surprise.
Wan creytur sat up top ma desk, ah lifted lid an ''bang!''
Ah'd struck hur heyd an horted id, an bawls fey hur soon rang,
Thank hivvins for e playtime bell, we'd thrippence eych reserved,
Meyde strecht for ''Gibby's'' van then found ye'd fecht till ye wiz served.
Wur quarter hoor soon disappeared, then time till go back in,
Till fin some bairns hed gone strecht homm, at fairly helped e din.
We sat ere richt till half past twell, came back fey two till three,
Decided at id wisna bad, we'd stick id oot till see.
Boot at's no help till five year owlds embarkin till e school,
Choost leyve thum till get on wi id, don't interfere's e rule,
They'll soon adapt, make lods a pals and indepentant be,
They'll settle doon till lek e school, now mark ma words ye'll see.
by Jenny S. Stewart
Ah took a trippie back in time iss moarnin as ah trod
Droves o bairns new bound for school were makin up e rodd,
Feycies shinin, hair all combed, wi school bags brankin new,
Some excited, some fair chuffed as some were cownin too.
I'd rolled back nearly twinty years till time fan ah gied off,
Ah's five on Monday, school on Tuesday, feelt choost lek a toff,
Ah'd got a pleated skirt o grey, blue ganzey meyde by mam,
Ma chum (ca'd Jinnad) an masell set off in mithier's han'.
We kent a bit fit till expect, we'd sisters an we'd brithers,
At filled wur heyds wi fit went on, we'd no cause for dithers,
E playground swarmed wi bairns an mams, some cheeky, some plain shy,
We couldna wait till bag a desk, we'd choost no time till cry.
Ma mam said ''Weel bairns, cheerio, ah'll see ye for yur dennur''
While some mams hung aroond e windows, cowned in feel-lek mennur,
An some bairns bawled an widna hault, we sat an rolled wur eyes,
Thur's no chiel warned us 'boot e rackid, at came as surprise.
Wan creytur sat up top ma desk, ah lifted lid an ''bang!''
Ah'd struck hur heyd an horted id, an bawls fey hur soon rang,
Thank hivvins for e playtime bell, we'd thrippence eych reserved,
Meyde strecht for ''Gibby's'' van then found ye'd fecht till ye wiz served.
Wur quarter hoor soon disappeared, then time till go back in,
Till fin some bairns hed gone strecht homm, at fairly helped e din.
We sat ere richt till half past twell, came back fey two till three,
Decided at id wisna bad, we'd stick id oot till see.
Boot at's no help till five year owlds embarkin till e school,
Choost leyve thum till get on wi id, don't interfere's e rule,
They'll soon adapt, make lods a pals and indepentant be,
They'll settle doon till lek e school, now mark ma words ye'll see.