Howgmanay - Here Ah Come. by Achawa c. 1953

[trinkie]

Howgmanay – Here Ah Come !
By Achawa c. 1953




'E first hoose sees ye as ye are,
A happy, carefree blok;
'E second finds ye loosenan up
An' laughan lek til chok.


'E third is where ye start til sing
An' tell yir funny story;
'E fourth is where ye go from 'Trees'
Til 'Land o' Hope an' Glory.'


'E fifth – if ye still can coont
Is where ye stan 'e test,
'At many fowk come in an' oot
Id's lek 'e Home o Rest.


'E sixth is no so bad somehow -
Bit id's no' for long – iss lull
'E seventh sees ye off again
An' roaran lek a bull.


'E eighth is where ye should hev sense
An' make yir tracks for bed;
Bit fa hes sense on Howgmanay
When 'e wine is really red.


So ye wid try wan ower 'e eight
Wan for 'e rod, ye sey'd
Bit ats 'e wan 'at broke yir back
An' – faigs – near broke yir heyd.


Id's funny though, how wi' id all,
'E seekness an 'e pain.
When Nineteen Fifty Fower comes roon,
Ye'll be at id – same again !'

[Lavenderblue2]

What a wonderful poem Trinkie!!
My, how I wish it wis Nineteen Fifty Fower again...or maybe a year or two later...:)

[Moira]

Brilliant Trinkie, as usual!

Do you have any more? :)

[trinkie]

Thank you Lavender Blue and Moira. I've found another couple written around 1944, and sadly the sentiments are still appropriate today.
So here's remembering our brave young folk who are serving in far distant lands. May they have a safe journey home soon.







The New Year
By The Caithness Violinist.



Give me a shak' o' yer han' brither,
Gie me a shak' o' yer han'
For its only but richt that yer hert I should cheer
Wi' ma fiddle and wish ye a Happy New Year.


Here's to the lads that are far from here
I wish I could shak' their han'
Many New Years hae we seen together,
Gie me a shak' o' yer han'


There's many old faces we used to see love dear,
Thit's no longer with us as sure as I'm here
Its no' very easy to keep back a tear,
Gie me a shak' o' yer han'


May this New Year be the best ye've seen
Gie me a shak' o' yer han'
And at the end of its twell months
May we a be singin' the Victory Sang,
'To hell wi' Hitler and his gang'
Gie me a shak o' yer han'

[shazzap]

Liked the poems. Took a bit of reading, and didin't sound so good, with an English accent. :lol:

[trinkie]

shazzap - believe me it took a bit of writing too ! One must have a sense of humour at this time of year dont you think ?




The New Year
by The Caithness Violinist c. 1947




Gie me a wee drappie and then I'll be happy
Be it whisky, or rum, or just beer;
A cup o' strong tea is no good to me
To welcome the coming New Year.


Here's to freens that's awa'
Here's to freens that live here -
In Kaitness the best place o' a'
Wha cares for the weather when true freens foregither
To tak' in the coming New Year.


Tak' Time by the throttle and buy a big bottle -

I ken that 'e price is ower dear -
But ach ! What's the odds,
When it's food for the gods -
I wish ye a Happy New Year.

[trinkie]

A TOAST
to The Coming Year.
By the Caithness Violinist c. 1949


Wi' a drop in the bottle an' a cronie or twa
We'll no' gie a thocht tae the year that's awa,
Wi' stories an' sangs a' brithers we'll be
Wi' a smile on wir faces an a licht in wir e'e.
We'll think o' wir freens far awa ower the sea
An' we'll drink to their health, tho' its maybe wi' tea.
But tae Kaitness fowk that's awa' an' are here,
I wish a' the best an' a Happy New Year.

[shazzap]

[QUOTE=trinkie;916356]shazzap - believe me it took a bit of writing too ! One must have a sense of humour at this time of year dont you think ?




The New Year
by The Caithness Violinist c. 1947




Gie me a wee drappie and then I'll be happy
Be it whisky, or rum, or just beer;
A cup o' strong tea is no good to me
To welcome the coming New Year.


Here's to freens that's awa'
Here's to freens that live here -
In Kaitness the best place o' a'
Wha cares for the weather when true freens foregither
To tak' in the coming New Year.


Tak' Time by the throttle and buy a big bottle -

I ken that 'e price is ower dear -
But ach ! What's the odds,
When it's food for the gods -
I wish ye a Happy New Year.[/QUOTE

Totally agree.

[shazzap]

A TOAST
to The Coming Year.
By the Caithness Violinist c. 1949


Wi' a drop in the bottle an' a cronie or twa
We'll no' gie a thocht tae the year that's awa,
Wi' stories an' sangs a' brithers we'll be
Wi' a smile on wir faces an a licht in wir e'e.
We'll think o' wir freens far awa ower the sea
An' we'll drink to their health, tho' its maybe wi' tea.
But tae Kaitness fowk that's awa' an' are here,
I wish a' the best an' a Happy New Year.

Another. Witty Ditty.