PDA

View Full Version : Week



trinkie
21-Oct-06, 14:37
Fan in Thirsa dinna speak
O 'e beauty spots o' Week
If ye do, they'll look gey wild-lek an 'll tell
'At o' a' toons faur they've been
Id's e foosemest they've seen
Ha'd their nebs an talk in scorn aboot e smell.

They'll declare there's notheen richt
In e plaice an wi a dicht
O their hands across their moos they'll gie a sigh,
Addan, 'at perhaps e wirst
Is e fact if ye've a thirst
Week's an awful toon. 'E weeman made id dry !

Fat aboot Week roads, they'll say
Smyaggert owre wi' muck a' day
For e' laines they'll swear, they've never seen e bait,
Sayan at e hereen reek
Is e best at's got in Week
An 'e fowk doon 'ere are thin for want o mait.

But 'e trowth is Week's a' richt
Tho' ids dirty in daylicht,
'At's ids beauty till 'e butties. An ids smell
Tells 'e exile 'at he's near
Til a' 'at he ha'ds dear -
Id's e braith o hom'
'E call o' Week idsel.

A.Miller