Onlooker
29-May-04, 19:34
Teenie: Weel, Chinnad, how ur ye? Fine fresh breeze e day.
Chinnad: A’m fine, how’s yirsel? At’s wan thing aboot Kaitness, ye can depend on hids wether. If hids no windy e day hid will be tomorrow an if hids no weet choost now hid soon will bey.
Teenie: E good Kaitness win hes hids benyfits, hid meykes hid a gran pleice for ey win turbines.
Chinnad: Och, ah’m no for em things, oogly, foosum an aaful noisy.
Teenie: D’ye think at? Ah heerd at thur no dirty at aal, an no very noisy unless yir close. An for me, thur quite bonnie.
Chinnad: Bonnie? Wan mebbe. Bit lek scorries and maas ye niver get them in wans.
Teenie: Fit aboot Langwell? Thurs only wan eyre?
Chinnad: Ur ye niver bothered aat yir aalways richt? Enywey, ey ither pleices at ur gettan them ur gettan more than wan.
Teenie: So, hids ey environmental issue ats botheran ye?
Chinnad: Ye spoot sum aawfil beeg wurds sumtimes. Bit, aye, you cud sey at.
Teenie: Ye cheinge yir mind as offen as ma man cheinges his drawers. Therty year ago, fan ey oilreegs were goan til be beelt at Dinnad Sans an eyre wis an ootcry fey e greens, Ah heerd ye say ye were for hid seean ye cudna eit san.
Chinnad: At wis different. At wid hev brocht chobs til e county and ma man micht’ve gotten wan.
Teenie: Hope springs eternal.
Chinnad: Hid’s weel seen at yir a size 22, seean ye hev a memory lek an elephant.
Teenie: If we hedna been pals since we wur at e schule, Ah cud bey offended at sum o e things ye say.
Chinnad: Aye, aye. Bit as ma mither used til say, ye can pick yir friends bit yur stuck wey yir freens.
Teenie: E turbines micht no bring meny chobs, bit at least e poor fermers will get a bit o income.
Chinnad: Poor fermers, ma dock! Eye greetan, bit niver seem short fan thur next fancy car is due or thur weemen need hairdos or makeo’ers or drams ur needed til seal a bargain.
Teenie: Ok, A’ll gie ye at. Cheingan e subject a bittie, will is bey e furst tyme at ye and Eve hev agreed on enything?
Chinnad: Och, ca hur by hur given neime. Ah aalways ca her Phemie. Shey is only agenst e turbines seean ey micht spile e view fey hur fancy hoose.
Teenie: Eve’s aal richt. Hids no hur faalt at shey got a chiel wey muney, no lek us at ur stuck wey e trosks we merried.
Chinnad: Hmm, Ah’m no so shure aboot at.
Teenie: If e trooth wur known, both o us wid be ower e moon if we hed grun at e windpo’or mannies wid gie us thoosans a year til beeld thur turbines on.
Chinnad: Aye. Ah spose so. Ah’l hev til go, hid looks lek a shooer cuman on.
Chinnad: A’m fine, how’s yirsel? At’s wan thing aboot Kaitness, ye can depend on hids wether. If hids no windy e day hid will be tomorrow an if hids no weet choost now hid soon will bey.
Teenie: E good Kaitness win hes hids benyfits, hid meykes hid a gran pleice for ey win turbines.
Chinnad: Och, ah’m no for em things, oogly, foosum an aaful noisy.
Teenie: D’ye think at? Ah heerd at thur no dirty at aal, an no very noisy unless yir close. An for me, thur quite bonnie.
Chinnad: Bonnie? Wan mebbe. Bit lek scorries and maas ye niver get them in wans.
Teenie: Fit aboot Langwell? Thurs only wan eyre?
Chinnad: Ur ye niver bothered aat yir aalways richt? Enywey, ey ither pleices at ur gettan them ur gettan more than wan.
Teenie: So, hids ey environmental issue ats botheran ye?
Chinnad: Ye spoot sum aawfil beeg wurds sumtimes. Bit, aye, you cud sey at.
Teenie: Ye cheinge yir mind as offen as ma man cheinges his drawers. Therty year ago, fan ey oilreegs were goan til be beelt at Dinnad Sans an eyre wis an ootcry fey e greens, Ah heerd ye say ye were for hid seean ye cudna eit san.
Chinnad: At wis different. At wid hev brocht chobs til e county and ma man micht’ve gotten wan.
Teenie: Hope springs eternal.
Chinnad: Hid’s weel seen at yir a size 22, seean ye hev a memory lek an elephant.
Teenie: If we hedna been pals since we wur at e schule, Ah cud bey offended at sum o e things ye say.
Chinnad: Aye, aye. Bit as ma mither used til say, ye can pick yir friends bit yur stuck wey yir freens.
Teenie: E turbines micht no bring meny chobs, bit at least e poor fermers will get a bit o income.
Chinnad: Poor fermers, ma dock! Eye greetan, bit niver seem short fan thur next fancy car is due or thur weemen need hairdos or makeo’ers or drams ur needed til seal a bargain.
Teenie: Ok, A’ll gie ye at. Cheingan e subject a bittie, will is bey e furst tyme at ye and Eve hev agreed on enything?
Chinnad: Och, ca hur by hur given neime. Ah aalways ca her Phemie. Shey is only agenst e turbines seean ey micht spile e view fey hur fancy hoose.
Teenie: Eve’s aal richt. Hids no hur faalt at shey got a chiel wey muney, no lek us at ur stuck wey e trosks we merried.
Chinnad: Hmm, Ah’m no so shure aboot at.
Teenie: If e trooth wur known, both o us wid be ower e moon if we hed grun at e windpo’or mannies wid gie us thoosans a year til beeld thur turbines on.
Chinnad: Aye. Ah spose so. Ah’l hev til go, hid looks lek a shooer cuman on.